Angliya futbol uyushmasi (FA) simulyasiyalarga qarshi qattiq kurashadi.
Yangi mavsumda boshlab, maxsus komissiya (sobiq hakam, murabbiy va futbolchi) o‘yinlardagi muhim holatlar – penalti belgilanishi, futbolchining chetlatilishi bilan bog‘liq vaziyatlar bo‘yicha videolavhalarni tomosha qilib, futbolchilarning simulyasiya ishlatishi bo‘yicha qaror qabul qiladi. Bu komissiya a’zolarining ismi-sharifi sir saqlanadi.
Simulyasiya qilganligi isbotlangan futbolchilar 2 o‘yinga diskvalifikasiya qilinadi. Bundan tashqari, simulyasiya ishlatgan futbolchi tufayli jazolangan futbolchilarning sariq va qizil kartochkalari bekor qilinadi.
