Англия футбол уюшмаси (FA) симуляцияларга қарши қаттиқ курашади.
Янги мавсумда бошлаб, махсус комиссия (собиқ ҳакам, мураббий ва футболчи) ўйинлардаги муҳим ҳолатлар – пенальти белгиланиши, футболчининг четлатилиши билан боғлиқ вазиятлар бўйича видеолавҳаларни томоша қилиб, футболчиларнинг симуляция ишлатиши бўйича қарор қабул қилади. Бу комиссия аъзоларининг исми-шарифи сир сақланади.
Симуляция қилганлиги исботланган футболчилар 2 ўйинга дисквалификация қилинади. Бундан ташқари, симуляция ишлатган футболчи туфайли жазоланган футболчиларнинг сариқ ва қизил карточкалари бекор қилинади.
