Neymarning yirik transferidan keyin «Barsa» tezda unga yangi o‘rinbosar topishi kerak.
Raqobatbardosh bo‘lishi va La Liga chempionligini qaytarib olish uchun Messi va Suareslarga kuchli sherik izlashiga to‘g‘ri keladi. France Football nashri esa bunday munosib nomzodlarni eslab o‘tdi.
Filippe Koutinyo («Liverpul»)
So‘nggi paytlarda OAVda ismi ko‘p marotaba tilga olinayotgan futbolchi aynan Koutinyo. «Liverpul»dagi to‘rt yarim yillik faoliyati mobaynida rivojlanishdan to‘xtamagan braziliyalik futbolchini «Barselona» o‘z safiga qo‘shib olsa ajab emas. Iqtidorli futbolchi «Barselona» o‘yiniga mos tushishi aniq. Boisi 25 yoshli futbolchi uchun Ispaniya Chempionati begona emas. 2012 yil yanvar-iyun oylarida u «Espanyol»da ijara asosida o‘ynagan edi. Bu orada La Ligada besh gol urishga ham erishgan edi. Biroq «ko‘k-anorranglilar» rahbariyati uni jamoaha olib kelishda qiyinchilikka uchrashi aniq. Uning transferi uchun mutasaddilar 100 million yevrodan kam bo‘lmagan mablag‘ni «Liverpul» hisobiga o‘tkazib qo‘yishi kerak bo‘ladi.
Usmon Dembele («Borussiya Dortmund»)
Yuqori tezlik, ajoyib dribling va texnikaga ega fransuz Neymarga judayam o‘xshaydiganlaridan biri. Farqi, braziliyalik yulduz o‘ngaqay bo‘lsa, fransiyalik yosh iqtidor egasi chapaqay hisoblanadi. Agarda Dembele o‘ng oyoqda ham o‘ynashni o‘rganib olsa, ham termada, ham klubda ikkala qanotda birday o‘ynay oladigan futbolchiga aylanadi.
Paulo Dibala («Yuventus»)
Braziliyalik o‘rniga argentinalik? Bunday fikr ko‘proq Lionel Messiga yoqishi aniq. Turinliklar bilan 2022 yilgacha amal qiladigan shartnomaga ega Dibala eng yaxshi futbolchi darajasigacha chiqa olishini uddalay oldi. «Oltin to‘p»ning 30 kishilik ro‘yxatidan joy olgan Dibala endigina 24 yoshni qarahiladi. «Barselona»da esa yuqori cho‘qqiga ko‘tarila olishi mumkin.
Toma Lemar («Monako»)
Ko‘pchilik futbol ishqibozlari uni o‘zini ko‘rsatishi uchun ikkinchi mavsumni ham yuqori saviyada o‘tkazishi kerak deb hisoblashmoqda. Balki, to‘g‘ridir. Biroq, gvadelupalik futbolchi «Monako» bilan o‘z qanotida iste’dodini isbotlay olmadimi? Ichki chempionatda 9 gol va 10 golli uzatmaga ega Lemar Chempionlar Ligasida «Manchester Siti»ga qarshi bahsda o‘zining yuqori saviyasini namoyish eta oldi. Qisqasi, Lemar ham «Barselona»ga mos tushishi mumkin.
Kilian Mbappe («Monako»)
Mbappe haqida ta’rif berishning keragi yo‘q. Butun mavsum davomida u OAV va klublarning diqqat-e’tiborida bo‘lib keldi.
Kilianga «Real» ham og‘iz solgani va hatto uning transferini amalga oshirishga yaqin turgani haqidagi xabarlarni inobatga olsak, «Barselona»ga uni qo‘lga kiritish oson kechmaydi.
