«PSJ» prezidenti Nosir Al-Xilayfiy Neymarning transferini amalga oshirishda «Barselona» yordam berganini aytdi.
«La Liga Neymarning transferini taqiqlab qo‘ymoqchi edi. Biroq, «Barselona» rahbariyati menga qo‘ng‘iroq qilib, muammoni birgalikda hal qilishimiz mumkinligini aytdi. Men ham tayyorligimni ma’lum qildim. «Barselona» dunyoning eng yaxshi klublaridan biridir.
Neymarning transferi haqida uch yil oldin o‘ylay boshlagandim. Muzokaralarni qanday o‘tkazishimizni rejalashtirish uchun bir yil sarfladik. Ikki hafta oldin esa ish boshlagandik.
Transferni amalga oshirish oson bo‘lmadi. Tunlarni uyqusiz o‘tkazdik. Lekin maqsadimizga erishdik», — dedi Al-Xilayfiy Goal xabarida.
