Oliy liganing 17-turida "Qo‘qon-1912" “Obod”klubiga qarshi maydonga tushadi.
Ushbu jamoalar elitada shu kunga qadar uch marta to‘qnash kelishgan. O‘yinlarda uch xil natija qayd etilgan. Bitta uchrashuvda qo‘qonliklar g‘alaba qozonishgan. Bitta o‘yinda tomonlar murosa yo‘lini tanlashgan. Bitta bahsda “Obod”ning qo‘li baland kelgan. To‘plar nisbatida esa tenglik – 3:3.
O‘tgan yili Qo‘qonda o‘tkazilgan bellashuvda qo‘qonliklar 1:0 hisobida g‘alaba qozonishgan.
Birinchi davradagi bahs esa 1:1 hisobida yakunlangan.
Qo‘qonda bo‘lib o‘tadigan “Qo‘qon-1912” – “Obod” uchrashuvini Akmal Rahimov boshchiligidagi hakam brigadasi boshqarib boradigan bo‘ldi.
Akmal Rahimov Oliy ligada bosh hakam sifatida birinchi marta faoliyat yuritadi.
Andijonlik hakam bundan qo‘qonliklarning O‘zbekiston kubogi 1/8 final doirasidagi birinchi uchrashuvini boshqargandi. Qo‘qonda o‘tkazilgan o‘sha o‘yinda qo‘qonliklar 2:0 hisobida g‘alaba qozonishgan.
Oliy liga
17-tur
«Qo‘qon-1912» (Qo‘qon) – «Obod» (Toshkent)
Hakamlar: A. Rahimov (Andijon), S. Yermeev (Toshkent), S. Ulfatov (Toshkent vil.), B. Yulcharayev (Guliston)
Nazoratchi: I. Nexochin (Namangan).
O‘zPFL vakili: V. Shtern.
Mazkur uchrashuv 12 avgust kuni Qo‘qondagi “Markaziy” o‘yingohda soat 17:30da start oladi. Ertaga esa ushbu jamoalarning o‘rinbosarlari o‘zaro kuch sinashishadi. O‘yin soat 17:30da boshlanadi.
