Олий лиганинг 17-турида "Қўқон-1912" “Обод”клубига қарши майдонга тушади.

Ушбу жамоалар элитада шу кунга қадар уч марта тўқнаш келишган. Ўйинларда уч хил натижа қайд этилган. Битта учрашувда қўқонликлар ғалаба қозонишган. Битта ўйинда томонлар муроса йўлини танлашган. Битта баҳсда “Обод”нинг қўли баланд келган. Тўплар нисбатида эса тенглик – 3:3.

Ўтган йили Қўқонда ўтказилган беллашувда қўқонликлар 1:0 ҳисобида ғалаба қозонишган.
Биринчи даврадаги баҳс эса 1:1 ҳисобида якунланган.

Қўқонда бўлиб ўтадиган “Қўқон-1912” – “Обод” учрашувини Акмал Раҳимов бошчилигидаги ҳакам бригадаси бошқариб борадиган бўлди.

Акмал Раҳимов Олий лигада бош ҳакам сифатида биринчи марта фаолият юритади.
Андижонлик ҳакам бундан қўқонликларнинг Ўзбекистон кубоги 1/8 финал доирасидаги биринчи учрашувини бошқарганди. Қўқонда ўтказилган ўша ўйинда қўқонликлар 2:0 ҳисобида ғалаба қозонишган.

Олий лига
17-тур
«Қўқон-1912» (Қўқон) – «Обод» (Тошкент)
Ҳакамлар: А. Раҳимов (Андижон), С. Ермеев (Тошкент), С. Ульфатов (Тошкент вил.), Б. Юльчараев (Гулистон)
Назоратчи: И. Нехочин (Наманган).
ЎзПФЛ вакили: В. Штерн.

Мазкур учрашув 12 август куни Қўқондаги “Марказий” ўйингоҳда соат 17:30да старт олади. Эртага эса ушбу жамоаларнинг ўринбосарлари ўзаро куч синашишади. Ўйин соат 17:30да бошланади.