Ross Barklining «Everton» bilan amaldagi shartnomasini yana bir yili qoldi xolos.

Shuning uchun futbolchi jamoadan ketish istagini bildirgandi. Unga asosiy nomzod Londonning «Tottenhem» klubi bo‘lib turibdi. Ammo «shporlar» «Everton» talab qilgan pulni berishdan bosh tortishmoqda. Ular ko‘pi bilan 25 million yevro to‘lay olishini ma’lum qilgan.

«Iriskalar» ustozi Ronald Kuman esa Barkli jamoada qolishini istamoqda.

«Barkli jarohatidan qutulib, mashg‘ulotlarga qaytdi. Hozircha uning transferi borasida hech qanday taklif olmadik. Agar qandaydir taklif bo‘lsa, rahbariyat uni ko‘rib chiqar, ammo u hozirda «Everton» futbolchisi. Albatta, Rossni qo‘lga kiritishni istaydigan jamoalar yetarlicha, lekin uning transfer narxi kichkina summa emas. Agar u bizni tark etmasa, jamoamizning bir bo‘lagi bo‘lib qolaveradi» — deydi Kuman Daily Mail nashriga.