Росс Барклининг «Эвертон» билан амалдаги шартномасини яна бир йили қолди холос.
Шунинг учун футболчи жамоадан кетиш истагини билдирганди. Унга асосий номзод Лондоннинг «Тоттенҳэм» клуби бўлиб турибди. Аммо «шпорлар» «Эвертон» талаб қилган пулни беришдан бош тортишмоқда. Улар кўпи билан 25 миллион евро тўлай олишини маълум қилган.
«Ирискалар» устози Рональд Куман эса Баркли жамоада қолишини истамоқда.
«Баркли жароҳатидан қутулиб, машғулотларга қайтди. Ҳозирча унинг трансфери борасида ҳеч қандай таклиф олмадик. Агар қандайдир таклиф бўлса, раҳбарият уни кўриб чиқар, аммо у ҳозирда «Эвертон» футболчиси. Албатта, Россни қўлга киритишни истайдиган жамоалар етарлича, лекин унинг трансфер нархи кичкина сумма эмас. Агар у бизни тарк этмаса, жамоамизнинг бир бўлаги бўлиб қолаверади» — дейди Куман Daily Mail нашрига.
