"Chelsi" bosh murabbiyi Antonio Konte Angliya chempionatining yangi mavsumi haqidagi fikrlari bilan o‘rtoqlashdi.

"Bilmadim, balki bu mavsum avvalgisiga qaraganda murakkab bo‘lishi mumkin. Biz chempionmiz va har bir o‘yinga jiddiy tayyorgarlik ko‘rishimiz lozim.
Bizga qarshi o‘yinlarda raqiblar 120% kuch sarflab o‘ynaydi. Shu tufayli ham, har bir o‘yinga katta e’tibor qaratib, bor kuchimizni sarflashimizga to‘g‘ri keladi.
Boshqa jamoalarning qanday holatda ekani bizga qiziq emas. Bilamiz, Angliyada 6ta klub chempionlik uchun kurashadi. Bu tabiiy hol. O‘ylaymanki, joriy mavsumda ham shunday bo‘lib qoladi" - dedi Konte.