"Челси" бош мураббийи Антонио Конте Англия чемпионатининг янги мавсуми ҳақидаги фикрлари билан ўртоқлашди.
"Билмадим, балки бу мавсум аввалгисига қараганда мураккаб бўлиши мумкин. Биз чемпионмиз ва ҳар бир ўйинга жиддий тайёргарлик кўришимиз лозим.
Бизга қарши ўйинларда рақиблар 120% куч сарфлаб ўйнайди. Шу туфайли ҳам, ҳар бир ўйинга катта эътибор қаратиб, бор кучимизни сарфлашимизга тўғри келади.
Бошқа жамоаларнинг қандай ҳолатда экани бизга қизиқ эмас. Биламиз, Англияда 6та клуб чемпионлик учун курашади. Бу табиий ҳол. Ўйлайманки, жорий мавсумда ҳам шундай бўлиб қолади" - деди Конте.
