«Lester» bosh murabbiyi Kreyg Shekspir Angliya chempionatining 1-turi doirasida bo‘lib o‘tgan «Arsenal»ga qarshi o‘yin (3:4) borasida o‘z fikrlarini bildirib o‘tdi.

«Ushbu o‘yin oldidan reja tuzar ekanmiz, jipslashgan holda harakat qilib, oldingi chiziqdagi tezkor Vardiga imkoniyat yaratish kerakligi haqida kelishib olgandik. Uchta gol urganimizga qaramay, uyga mag‘lubiyat bilan qaytayotganimiz alamli.

Jarima zarbalari oldidan raqibning futbolchi almashtirishi sizni chalg‘itadi. O‘zil to‘pni qo‘li bilan o‘ynagandan keyin «Arsenal» burchak zarbasiga ega bo‘lgani meni ranjitdi. Lekin biz standartlar paytida yaxshi himoyalanishimiz kerak edi. O‘tkazib yuborilgan gollarning sababini bilmayman. Balki konsentrasiyani yo‘qotgandirmiz yoki o‘yinni noto‘g‘ri olib bordik. Bu mag‘lubiyat bizga zarba bo‘lmaydi. Biz ijobiy kayfiyatni saqlab qolishimiz kerak. Chempionat endi boshlandi.

Avval ham «Emireyts»da shunga o‘xshash bahs o‘tkazgandik. Xuddi shunday uslubda mag‘lub bo‘lish achinarli. Muhim pallada yaxshiroq harakat qilishimiz kerak edi.

«Arsenal» to‘pni ko‘proq nazorat qildi. Ular safida top-o‘yinchilar yig‘ilgan. Lekin biz nimalarga qodir ekanimizni, irodamizni va jangovar ruhiyatimizni ko‘rsatdik. Shunda o‘ynashda davom etsam, ochkolarni jamg‘aramiz», – dedi Shekspir.