Oliy liga 17-turidan o‘rin olgan «Metallurg»- «Mash’al» (0:1) o‘yinidan keyin, mehmonlar ustozi Aleksandr Xomyakov o‘z fikrlari bilan o‘rtoqlashdi.

"Aytish lozimki, bugunki o‘yin juda og‘ir kechdi. Biz himoyada juda ko‘p harakat qildik. Shogirdlarimga avvalo o‘z minnatdorchiligimni bildiraman. Ular bugun ishonchimni oqlashdi. Biz har ikki turni safarda o‘tkazib, juda noqulay raqiblarimizdan ochko tortib oldik. Bu esa oson kechmadi. Shu bois men jamoamiz oldida shlyapamni yechaman" - dedi Xomyakov.