«Real» klubi hujumchi Krishtinu Ronalduning 5 o‘yinga diskvalifikasiya qilinishi bo‘yicha apellyasiya beradi.
Bugun Ispaniya qirolligi futbol federasiyasi (RFEF) «Barselona»ga (3:1) qarshi Superkubok bahsida bosh hakam Rikardo Bengoecheani turtib yuborgani uchun Ronalduga qattiq jazo tayinlagan edi.
RFEF futbolchining bu harakatlarini tajovuzkorona deb baholab, uni qizil karta uchun 1 o‘yinga, hakamni turtgani uchun 4 o‘yinga diskvalifikasiya qilgan edi.
Agar bu jazo o‘z kuchida qoldirilsa, Ronaldu «Barselona»ga qarshi Superkubok javob o‘yinini, shuningdek Ispaniya chempionatidan o‘rin olgan «Deportivo», «Valensiya», «Levante» va «Real Sosyedad»ga qarshi o‘yinlarni o‘tkazib yuboradi.
