«Milan» bosh murabbiyi Vinchenso Montella Yevropa ligasi saralashidan o‘rin olgan «Shkendiya» (6:0) klubiga qarshi o‘yindan so‘ng, o‘z fikrlarini aytdi.

«Xursandman, bu har tomonlama yoqimli kecha bo‘ldi. «Shkendiya» – yaxshi shakllangan jamoa, ammo biz ularning zaif tomonlarini aniqlab, o‘rganib olgandik.

«Milan»ning tarkibi deyarli to‘liq o‘zgardi. Biz juda katta ko‘lamdagi ishlarni bajardik. Yigitlar bor kuchi bilan mehnat qilmoqda. Meni jamoaning qanday rivojlanayotgani xursand qilmoqda.

Biz hali yo‘lning boshidamiz, ammo startimiz juda yaxshi bo‘ldi. Bundan tashqari, tribunalarning to‘lganini ko‘rish ham yoqimli», - dedi Montella.