«Милан» бош мураббийи Винченцо Монтелла Европа лигаси саралашидан ўрин олган «Шкендия» (6:0) клубига қарши ўйиндан сўнг, ўз фикрларини айтди.

«Хурсандман, бу ҳар томонлама ёқимли кеча бўлди. «Шкендия» – яхши шаклланган жамоа, аммо биз уларнинг заиф томонларини аниқлаб, ўрганиб олгандик.

«Милан»нинг таркиби деярли тўлиқ ўзгарди. Биз жуда катта кўламдаги ишларни бажардик. Йигитлар бор кучи билан меҳнат қилмоқда. Мени жамоанинг қандай ривожланаётгани хурсанд қилмоқда.

Биз ҳали йўлнинг бошидамиз, аммо стартимиз жуда яхши бўлди. Бундан ташқари, трибуналарнинг тўлганини кўриш ҳам ёқимли», - деди Монтелла.