Oliy liganing 18-turida "Qizilqum" - "Qo‘qon-1912" o‘yini o‘tkazildi.
Uchrashuvning dastlabki 10 daqiqasida tomonlar o‘ta ehtiyotkorlik bilan harakat qilishdi. 12-daqiqa o‘tib borayotgan paytda mehmonlar hisobni ochishga muvaffaq bo‘lishdi. Burchakdan uzatilgan to‘pni Darko Gojkovich boshi bilan raqib darvozasiga aniq yo‘lladi -0:1.
20-daqiqada yana bitta xavfli vaziyatni vujudga keldi. Javohir Sidiqov maydon markazidan raqib jarima maydonchasiga yaqinlashib, kuchli zarba berdi. To‘p darvoza ustuni yonidan o‘tib ketdi.
33-daqiqada maydon egalari hisobni tenglashtirishdi. Sherali Jo‘rayevning o‘ng qanotdan uzatib bergan to‘pini Samandar Shodmonov gol bilan yakunladi – 1:1.
36-daqiqada Otabek Zokirov kuchli va aniq zarbasi bilan Ribkinni dog‘da qoldirdi-2:1.
41-daqiqada G‘ayrat Jumayevning kuchli zarbasidan so‘ng, to‘p darvozadan o‘rin oldi – 3:1.
Natijada "Qo‘qon-1912" 8 daqiqa ichida uchta gol o‘tkazib yubordi.
Ikkinchi bo‘limni mehmonlar shiddatli tarzda boshlashdi. 58-daqiqada mezbonlar darvozasi oldida juda xavfli vaziyat vujudga keldi. Suhrob Berdiyevning zarbasi noaniq bo‘ldi.
71-daqiqada maydon egalari yana bir bor darvozani ishg‘ol etishi mumkin edi. O‘ng qanotdan uzatilgan to‘pni Otabek Zokirov bir metrdan bo‘sh darvozaga yo‘llay olmadi.
natijada, o‘yin oxirigacha bu hisob o‘zgarmadi.
Oliy liga, 18-tur
«Qizilqum» (Navoiy) – «Qo‘qon-1912» (Qo‘qon) – 3:1 (3:1)
Gollar: Samandar Shodmonov (33), Otabek Zokirov (36), G‘ayrat Jumayev (41) – Darko Gojkovich (12)
Hakamlar: O. Tolibjonov (Toshkent), T. Galeev (Toshkent), A. Po‘latov (Toshkent), A. Shukurullayev (Toshkent)
Nazoratchi: A. Abdullayev (Toshkent).
O‘zPFL vakili: B. Mametov.
“Qizilqum”: 55. Erkin Jabborov. 3. Shukurali Po‘latov, 4. Erkin Boydullayev, 9. Otabek Zokirov, 14. Fayzulla Qambarov, 17. Artur Gevorkyan, 18. Samandar Shodmonov (6. Nodirxon Kamolov – 87), 20. G‘ayrat Jumayev, 23. Sherali Jo‘rayev, 27. Ilhom Yunusov, 89. Otabek Isroilov (93. Maksim Yurku – 69).
Zaxira: 22. Artyom Makosin, , 8. Akmal Rustamov, 77. Bekzod G‘anijonov, 92. Akram Bahritdinov, 96. Xumoyun Abdualimov.
«Qo‘qon-1912»: 13. Nikita Ribkin (12. Aziz Ashurov – 46), 7. Jamshid Hasanov (98. Xushnud Avilov – 46), 10. Javohir Sidiqov, 14. Doniyor Hasanov, 19. Suhrob Berdiyev (11. Andrey Sidorov – 72), 23. Aleksandr Merzlyakov, 26. Akmal Xolmurodov, 55. Darko Gojkovich, 70. Quvondiq Ro‘ziyev, 77. Murod Holmuhammedov, 99. Filip Rayevas.
Zaxira: 4. Bahodir Akramov, 5. Jalil Kimsanov, 17. Avazxon Mamatxo‘jayev, 97. Oybek Rustamov.
