Oliy liga 18-turidan o‘rin olgan “Qizilqum” – “Qo‘qon-1912” (3:1) o‘yinidan so‘ng, mehmonlar ustozi No‘’mon Hasanov o‘z fikrlarini aytdi.
"Bugun muxlislar ochiq futbol guvohiga aylanishdi. 3:1 o‘yin taqdirini hal qildi. Ikkinchi bo‘limda vaziyatni o‘zgartirishga harakat qildik.
O‘yinni yaxshi boshladik. Lekin “Qizilqum”ning tajribali o‘yinchilari vaziyatdan chiqib ketishni uddalashdi. Birinchi bo‘limda uchta to‘p o‘tkazib yubordik. Keyin hujumlar tashkil etdik. Ulardan foydalana olmadik.
Ikkinchi davrada ikkita mag‘lubiyatga uchragan bo‘lsak-da, hali hammasi oldinda keyingi uchrashuvlarda muxlislarimizni xursand qilamiz.
Rayevas oxirgi o‘yinlarda o‘ziga bildirigan ishonchlarni oqlay olmayapti. Bugun ham u kutilgan o‘yinni namoyish eta olmadi" - dedi Hasanov.
