Oliy liga 18-turidan o‘rin olgan “Qizilqum” – “Qo‘qon-1912” (3:1) o‘yinidan keyin mezbonlar ustozi Hamid Aktamov o‘z fikrlarini aytdi.

"Bugun g‘alaba uchun maydonga chiqqandik va maqsadimizga erishdik. “Qo‘qon-1912” futbolchilari garchi hisobni ochgan bo‘lsa-da, keyinchalik biz tashabbusni o‘z qo‘limizga oldik va ketma-ket uchta gol urishga erishdik. O‘sha vaziyatlarda qo‘qonliklar juda bo‘sh o‘yin ko‘rsatishdi.

Qo‘qonliklar safida Javohir Siddiqovning o‘yinini alohida e’tirof etgan bo‘lardim. Butun o‘yin davomida faol harakatlari bilan ajralib turdi.

G‘alaba uchun yigitlarga rahmat. Keyingi turda prinsipial raqibimiz “Buxoro” bilan kuch sinashamiz. Bu o‘yinda ham ijobiy natija uchun maydonga chiqamiz" - dedi Aktamov.