Олий лига 18-туридан ўрин олган “Қизилқум” – “Қўқон-1912” (3:1) ўйинидан кейин мезбонлар устози Ҳамид Актамов ўз фикрларини айтди.
"Бугун ғалаба учун майдонга чиққандик ва мақсадимизга эришдик. “Қўқон-1912” футболчилари гарчи ҳисобни очган бўлса-да, кейинчалик биз ташаббусни ўз қўлимизга олдик ва кетма-кет учта гол уришга эришдик. Ўша вазиятларда қўқонликлар жуда бўш ўйин кўрсатишди.
Қўқонликлар сафида Жавоҳир Сиддиқовнинг ўйинини алоҳида эътироф этган бўлардим. Бутун ўйин давомида фаол ҳаракатлари билан ажралиб турди.
Ғалаба учун йигитларга раҳмат. Кейинги турда принципиал рақибимиз “Бухоро” билан куч синашамиз. Бу ўйинда ҳам ижобий натижа учун майдонга чиқамиз" - деди Актамов.
