Oliy liga 18-turidan o‘rin olgan «Dinamo» - «Paxtakor» (0:0) uchrashuvidan keyin «Paxtakor» darvozaboni Aleksandr Lobanovning o‘yin borasidagi fikrlarini aytdi.

«Samarqandda bizni og‘ir o‘yin kutib turganligini bilardik. Bugun g‘alaba golini «Dinamo» ham, biz ham urishimiz mumkin edi. «Dinamo» o‘z muxlislari qarshisida juda xavfli raqibga aylanadi. Bugun ham muxlislarning daldasi ularga katta yordam berdi. Umuman olganda, «Dinamo» safida yaxshi saviyadagi futbolchilar jamlangan. Afsuski bugun yuta olmadik. Shu bilan birga mag‘lub bo‘lishimiz ham mumkin edi. Shunday ekan, «Dinamo» bilan durang – adolatli natija deb o‘ylayman» - dedi «Paxtakor» posboni Aleksadr Lobanov.