Shu yilning 1 avgustdan 25 avgustgacha “Neftchi” sport majmuasida O‘zbekiston Respublikasi mustaqilligining 26 yilligiga bag‘ishlangan “Halq bilan muloqot va inson manfaatlari yili” dasturi doirasida “Yurt taraqqiyoti yo‘lida birlashaylik” shiori ostida FNQIZ sexlararo zavod Spartakiadasi o‘tkazildi.
Turnir yakunlariga ko‘ra, umumjamoa hisobida eng ko‘p vakili g‘alaba qozongan 32-sex jamoasi birinchi o‘rinni qo‘lga kiritdi. Ikkinchi o‘rinni esa 12-sex vakillari band qilishdi. Kuchli uchlikni 1-sex jamoasi yakunlab berdi.
Futbol turi bo‘yicha o‘tkazilgan musobaqaning finaliga 32- va 6-sex jamoalari yo‘l olishdi. Hal qiluvchi o‘yinda 32-sex jamoa 3:2 natijasida muvaffaqiyatga erishdi.
Ko‘chma kubokni FNQIZ bosh direktori Rustamjon Sobirjonovich Abdukarimov topshirdi.
Musobaqa yakunlariga ko‘ra, quyidagi nominasiyalar bo‘yicha eng yaxshi sportchilar aniqlandi:
1.”Eng yaxshi darvozabon” – 18-sex jamoasi sardori Jasurbek Akbarov.
2.”Eng yaxshi o‘yinchi” – 32-sex jamoasi vakili Elyorjon Yuldashev
3.”Eng yaxshi to‘purar” – 7-sex jamoasi vakili Nurmuhammad Qayumov
