Germaniyaning Hamburg shahrida bugun — 25 avgust kuni boks bo‘yicha Jahon chempionati start oladi.
Uning hamma vaznida o‘zbekistonlik sportchi g‘oliblik uchun kurash olib boradi.
Kecha — 24 avgust kuni janglarga qur’a tashlash marosimi bo‘lib o‘tdi. Unga ko‘ra, 10 nafar o‘zbekistonlik bokschidan 2 tasi ishtirokini 1-bosqichdan boshlaydigan bo‘ldi: Jasur Latipov (-52 kg) va Sanjar Tursunov (-91 kg). Qolgan barcha bokschilar avtomatik ravishda mundialga 2-bosqichdan qo‘shiladi.
-49 kg: Hasanboy Do‘stmatov — Nazar Kurotchin (Ukraina) — Robinson Rodriges (Kosta-Rika)
-52 kg: Jasur Latipov — Yankiel Rivera (Puerto-Riko)
-56 kg: Murod Ahmadaliyev — Qayrat Eraliyev (Qozog‘iston)/Kristofer Flores (Meksika)
-60 kg: Elnur Abduraimov — Harri Garsayd (Avstraliya)/Karen Tonakanyan (Armaniston)
-64 kg: Iqbol Xoldorov — Matej Polski (Polsha)/Jon Guttyeres (Kolumbiya)
-69 kg: Shahram G‘iyosov — Yevgeniy Barabanov (Ukraina)/Nkumbu Silungve (Zambiya)
-75 kg: Isroil Madrimov — Luis Rodriges (Puerto-Riko)/Aziz Achilov (Turkmaniston)
-81 kg: Bektemir Meliqo‘ziyev — Muslim Gajimagomedov (Rossiya)/Jeyson Varela (Kolumbiya)
-91 kg: Sanjar Tursunov — Jeffri Gonsales (Nikaragua)
+91 kg: Bahodir Jalolov — Kim Larsen (Daniya)/Mbui Karlos (Angola)
O‘zbekistonlik 10 bokschidan 9 nafari Jahon chempionatiga qit’a chempioni sifatida tashrif buyurgan. Ular Toshkent mezbonlik qilgan Osiyo chempionatida barcha raqiblarini yengib, oltin medalni qo‘lga kiritgan. Faqatgina -91 kilogrammda jang qilgan Sanjar Tursunovgina Osiyo chempionatining yarim finaliga yetib bora olmagan va medalsiz qolgan. Shunga qaramay, Tursunov pley-off raundida raqibini yengib, mundial chiptasiga ega chiqqan.
