Shu yilning 20–25 avgust kunlari O‘zbekiston Futbol Federasiyasining sun’iy qoplamali maydonida “Paxtakor” klubining sobiq futbolchisi, sport ustasi Bahodir Ibrohimov xotirasiga bag‘ishlangan IV Respublika turniri bo‘lib o‘tdi.
O‘zbekiston Futbol Federasiyasi, O‘zbekiston Futbol Faxriylari Kengashi hamda “Paxtakor” klubi hamkorligida tashkil etilgan musobaqada respublikaning turli viloyatlaridan 2004 yilda tug‘ilgan futbolchilardan tashkil topgan jami 13 jamoa – “Paxtakor”, “Jizzax”, “Marg‘ilon”, “Sho‘rchi”, “Bunyodkor”, “Qo‘qon”, “Urganch”, BO‘SM-16, “Buxoro”, “Chinoz”, “Lokomotiv”, “Yangiyer” va “Jarqo‘rg‘on” ishtirok etdi.
Guruh bosqichida birinchi o‘rinni qo‘lga kiritgan “Paxtakor”, “Bunyodkor”, “Chinoz” va “Yangiyer” jamoalari yarim finalga yo‘llanma oldi. Dastlabki yarim finalda “Paxtakor” tarbiyalanuvchilari “Chinoz”ni 4:1 hisobida mag‘lubiyatga uchratib, finalga yo‘l oldi. Ikkinchi yarim finalda “Yangiyer” jamoasi “Bunyodkor”ni 3:1 hisobida taslim qilib, final yo‘llanmasiga ega bo‘ldi.
Bahodir Ibrohimov xotira turniri
24 avgust, payshanba
Yarim final uchrashuvlari
“Paxtakor” – “Chinoz” 4:1
“Bunyodkor” – “Yangiyer” 1:3
Uchinchi o‘rin uchun kechgan bahsda “Bunyodkor” tarbiyalanuvchilari “Chinoz”ni 3:2 hisobida mag‘lubiyatga uchratdi. Final bellashuvida “Paxtakor” 3:1 hisobida “Yangiyer”dan ustun kelib, bosh sovringa ega bo‘ldi.
25 avgust, payshanba
Uchinchi o‘rin uchun bahs
“Bunyodkor” – “Chinoz” 3:2
Final
“Yangiyer” – “Paxtakor” 1:3
Turnirning yopilish marosimida O‘FF bosh kotibi Sardor Rahmatullayev, O‘zbekiston Futbol Faxriylari Kengashi raisi Narimon Jalolov, Kengash raisi o‘rinbosari To‘lagan Isoqov, faxriy mehmonlar Axbor Imomxo‘jayev, Axrol Inoyatov, Vyacheslav Soloxo, Vladimir Shtern, Shamil Yafarov ishtirok etib, g‘olib va sovrindorlarga medal, diplom va esdalik sovg‘alarini topshirdi.
