«Barselona» bosh murabbiyi Ernesto Valverde Ispaniya La ligasining 2-turi doirasida «Alaves»ga qarshi o‘yin (2:0) borasida o‘z fikrlarini bidirib o‘tdi.

«Bu g‘alaba biz uchun qadrli. Sabr qilishimizga to‘g‘ri keldi. «Alaves» futbolchilari zich joylashib olib, biz uzatmalar beradigan hududlarni yopishdi. Ammo o‘z o‘yin uslubimizga sodiq qoldik. Gol urib olganimizdan o‘yin ochildi. Raqib mudofaasida bo‘sh hududlar paydo bo‘la boshladi va biz yana bir marta imkoniyatdan foydalandik.

Biz qiyinchiliklarga duch keldik, ammo biz uni yengib o‘tdik. Endi 6 ochkoga egamiz.

Messi uchun «aldamchi to‘qqiz» pozisiyasi yangilik emas. Biz o‘z o‘yinimizni tarkibga moslashtirishimiz kerak, ammo ixtiyoringda faqat 18 nafar futbolchi bo‘lsa, buni amalga oshirish qiyin bo‘ladi.

Transferlar? Transfer vaqti tugagan paytda jamoamiz yanada kuchayishini kutyapmiz. Shunda jamoada raqobat oshadi», – dedi Valverde.