Jangchi Konor MakGregor bokschi Floyd Meyvezerga qarshi bahsdagi mag‘lubiyatini tan olmadi.
«Jangni juda erta to‘xtatishdi, men hali mag‘lub bo‘lmagan edim. Men biroz charchab qolganim uchun muvozanatni saqlay olmadim. Agar biroz dam olsam, yana jangga tayyor bo‘lardim. Hakam o‘yinni to‘xtatmasligi lozim edi. Jin ursin, hakam meni burchakka yo‘llab, dam olishimga imkon berishi kerak edi. Gap faqat charchoqda edi. Men zarbalar tufayli bu holatga tushmadim. Miyam tiniq edi», – dedi MakGregor.