Gamburgda boks bo‘yicha jahon chempionatining uchinchi kun janglari boshlandi. 56 kg. vaznda ishtirok etayotgan Murodjon Ahmadaliyev qozog‘istonlik Qayrat Yeraliyevga qarshi ringga ko‘tarildi.

Bungacha ikkala bokschi ikki marta to‘qnash kelgan bo‘lib, ularning har ikkalasida hamyurtimiz g‘alaba qozongandi. Shu bois bo‘lsa kerak, qozoq sportchisi revansh olish maqsadida katta ishtiyoq bilan jang olib bordi. Ahmadaliyev o‘z uslubida jang qildi, ammo Qayratdagi ishtiyoq yuqori bo‘lib, u raqibiga nisbatan ko‘proq zarba berishga muvaffaq bo‘ldi. Natijada Yeraliyev 4:1 hisobida g‘alaba qozondi — 30:27, 30:27, 30:27, 28:29, 29:28.

Shu tariqa, O‘zbekiston delegasiyasi Jahon chempionatida dastlabki yo‘qotishga uchradi.