Гамбургда бокс бўйича жаҳон чемпионатининг учинчи кун жанглари бошланди. 56 кг. вазнда иштирок этаётган Муроджон Аҳмадалиев қозоғистонлик Қайрат Ералиевга қарши рингга кўтарилди.

Бунгача иккала боксчи икки марта тўқнаш келган бўлиб, уларнинг ҳар иккаласида ҳамюртимиз ғалаба қозонганди. Шу боис бўлса керак, қозоқ спортчиси реванш олиш мақсадида катта иштиёқ билан жанг олиб борди. Аҳмадалиев ўз услубида жанг қилди, аммо Қайратдаги иштиёқ юқори бўлиб, у рақибига нисбатан кўпроқ зарба беришга муваффақ бўлди. Натижада Ералиев 4:1 ҳисобида ғалаба қозонди — 30:27, 30:27, 30:27, 28:29, 29:28.

Шу тариқа, Ўзбекистон делегацияси Жаҳон чемпионатида дастлабки йўқотишга учради.