Yengil vazn toifalaridan birida Germaniyada jahon chempionatiga tashrif buyurgan Jasurbek Latipov og‘ir kechgan chorak final jangini o‘tkazdi. Vazni 52 kg.gacha bo‘lgan sportchimiz kolumbiyalik Seybar Avila Seguraning qarshiligini sindirishga muvaffaq bo‘ldi.

Raqibning jang uslubi Jasurbek uchun ancha noqulay bo‘ldi. Boisi, kolumbiyalik charm qo‘lqop ustasi doimiy ravishda pressing uyushtirib, hujum uyushtirishga harakat qildi. Latipov esa bunga tayyor ekanini namoyish qilib, raqibga nisbatan ko‘proq zarba berishga muvaffaq bo‘ldi. Yakunda hakamlarning baholari 4:1 hisobida o‘zbekistonlik bokschining foydasiga hal bo‘ldi.

Shu tariqa, o‘zbekistonlik to‘rtinchi bokschi jahon chempionatining yarim finaliga yo‘l oldi.