"Manchester Yunayted" hamda "Barselona" klubinging afsonaviy futbolchilari "Old Trafford" stadionida xayriya o‘yinida ishtirok etishdi.

O‘yinda 2:2 hisobi qayd etildi. Gollar Rud van Nistelroy, Denni Uebber, Luis Garsiya va Gaiska Mendyeta hisobiga yozildi.

O‘yin 22 may Manchester, 17 avgust Barselona shaharlarida uyushtirilgan bir qator teraktlarda vafot etganlar xotirasiga bir daqiqalik sukut bilan boshlandi. Futbolchilar esa qora bog‘ich bilan maydonga tushishdi.

Shuningdek, futbolchilar libosdagi ism o‘rniga "Manchester" va "Barselona" yozuvlari tushirilgan futbolkalarda maydonga chiqishdi. O‘yinda tushgan barcha pullar xayriya ishlariga sarflanadi.

«Manchester Yunayted» – «Barselona» 2:2
Gollar: 1:0 – 14 penalti, van Nistelroy, 2:0 – 43 Uebber, 2:1 – Garsiya, 2:2 – 81 Mendyeta.
«Manchester Yunayted»: Van Der Sar, Broun, Dublin, Jonsen, Park Ji Sun, Poborskiĭ, York, Silvestr, Blumkvist, Lui Saa, Van Nistelroĭ.
«Barselona»: Angoy, Belletti, Edmilson, Deyu, Abidal, Davids, Serxi, Mendyeta, Siman, Klyuyvert, Goyko.