"Манчестер Юнайтед" ҳамда "Барселона" клубингинг афсонавий футболчилари "Олд Траффорд" стадионида хайрия ўйинида иштирок этишди.

Ўйинда 2:2 ҳисоби қайд этилди. Голлар Руд ван Нистелрой, Дэнни Уэббер, Луис Гарсия ва Гаиска Мендьета ҳисобига ёзилди.

Ўйин 22 май Манчестер, 17 август Барселона шаҳарларида уюштирилган бир қатор терактларда вафот этганлар хотирасига бир дақиқалик сукут билан бошланди. Футболчилар эса қора боғич билан майдонга тушишди.

Шунингдек, футболчилар либосдаги исм ўрнига "Манчестер" ва "Барселона" ёзувлари туширилган футболкаларда майдонга чиқишди. Ўйинда тушган барча пуллар хайрия ишларига сарфланади.

«Манчестер Юнайтед» – «Барселона» 2:2
Голлар: 1:0 – 14 пенальти, ван Нистелрой, 2:0 – 43 Уэббер, 2:1 – Гарсия, 2:2 – 81 Мендьета.
«Манчестер Юнайтед»: Ван Дер Сар, Броун, Дублин, Жонсен, Парк Жи Сун, Поборский, Йорк, Сильвестр, Блумквист, Луи Саа, Ван Нистелрой.
«Барселона»: Ангой, Беллетти, Эдмилсон, Дею, Абидал, Давидс, Серхи, Мендьета, Симан, Клюйверт, Гойко.