JCH-2018 saralash bahslari doirasida kechgan Ispaniya va Italiya terma jamoalari o‘rtasidagi uchrashuv juda qiziqarli o‘tdi.
«Santyago Bernabeu»da kechgan o‘yinda mezbonlar yirik hisobdagi g‘alabani qo‘lga kiritdi.
Uchrashuvning 13-daqiqasida Isko jarima zarbasini qoyilmaqom qilib bajardi va jamoasini hisobda oldinga olib chiqdi. Birinchi bo‘lim yakunida yana Isko jarima maydoni tashqarisida raqib futbolchilarini ustalik bilan aldab o‘tdi va darvozabonga noqulay bo‘lgan zarba yo‘lladi. Ushbu zarbani Buffon qaytarishga ojizlik qildi va shu tariqa hisob 2:0 ko‘rinishini oldi.
Uchrashuvning 77-daqiqasida katta sahnaga zaxiradan maydonga tushgan Alvaro Morata chiqdi. Uning aniq zarbasi ispaniyaliklarga yirik hisobdagi g‘alabani taqdim etdi.
JCH-2018 saralashi, Yevropa, 7-tur
Ispaniya – Italiya 3:0 (2:0, 1:0)
Gollar: 1:0 – 13 Isko, 2:0 – 40 Isko, 3:0 – 77 Morata.
Ispaniya – De Xea, Ramos, Alba, Karvaxal, Pike, Asensio (Saul, 78), Koke, Silva, Inyesta (Morata, 72), Isko (Vilya, 89), Buskets.
Italiya – Buffon, Bonuchchi, Bardzali, Darmian, Kandreva (Bernardeski, 70), Spinassola, Verratti, de Rossi, InsinYE, Immobile (Gabbyadini, 78), Belotti (Eder, 70).
Ogohlantirishlar: Verratti (4), Bonuchchi (12).
