Oliy liga 20-turida "Mash’al" va "Navbahor" bellashadi.
“Mash’al” va “Navbahor” shu kungacha oliy ligada 33 marta to‘qnash kelgan. E’tiborlisi o‘zaro o‘yinlardagi qayd etilgan natijalar teng ekanligini ko‘rish mumkin. “Mash’al” va “Navbahor” jamoalari 13tadan o‘yinda g‘alabaga erishgan, qolgan yetti uchrashuvda durang qayd etilgan. To‘plar nisbatidagi ko‘rsatkich bo‘yicha esa “Navbahor” oldinda - 45:40. Tabiiyki o‘zaro to‘qnashuvlardagi qo‘lga kiritilgan ochkolar soni ham teng- 46 tadan.
“Navbahor”ning o‘zaro o‘yinlarda qozongan eng yirik g‘alabasi – 8:0 ga teng. “Mash’al”da bu ko‘rsatkich 5:0 bo‘lib turibdi.
Shu yilning birinchi davrasi 4-turida Namanganda o‘tgan bahsda “Mash’al” 0:1 hisobida mag‘lubiyatga uchragan. Hasanboy Ergashevning goli Namanganliklarga g‘alaba keltirgan.
Muborakda o‘tgan so‘nggi uchrashuvlar:
09.04.2016 «Mash’al» - «Navbahor» 2:1
03.08.2015 «Mash’al» - «Navbahor» 2:2
06.06.2014 «Mash’al» - «Navbahor» 3:1
30.06.2012 «Mash’al» - «Navbahor» 2:0
14.06.2011 «Mash’al» - «Navbahor» 2:0
31.10.2010 «Mash’al» - «Navbahor» 2:0
O‘zaro o‘yinlar haqida fakt: Bu jamoalarning Muborakda o‘tgan o‘yinlarida “Mash’al” 10 bor zafar quchgan. To‘rt bor g‘olib nomi aniqlanmagan.
“Navbahor” hisobida 2ta g‘alaba mavjud. So‘nggi marta “Navbahor” Muborakdan 2004 yil g‘alaba bilan qaytgan.
