Олий лига 20-турида "Машъал" ва "Навбаҳор" беллашади.
“Машъал” ва “Навбаҳор” шу кунгача олий лигада 33 марта тўқнаш келган. Эътиборлиси ўзаро ўйинлардаги қайд этилган натижалар тенг эканлигини кўриш мумкин. “Машъал” ва “Навбаҳор” жамоалари 13тадан ўйинда ғалабага эришган, қолган етти учрашувда дуранг қайд этилган. Тўплар нисбатидаги кўрсаткич бўйича эса “Навбаҳор” олдинда - 45:40. Табиийки ўзаро тўқнашувлардаги қўлга киритилган очколар сони ҳам тенг- 46 тадан.
“Навбаҳор”нинг ўзаро ўйинларда қозонган энг йирик ғалабаси – 8:0 га тенг. “Машъал”да бу кўрсаткич 5:0 бўлиб турибди.
Шу йилнинг биринчи давраси 4-турида Наманганда ўтган баҳсда “Машъал” 0:1 ҳисобида мағлубиятга учраган. Ҳасанбой Эргашевнинг голи Наманганликларга ғалаба келтирган.
Муборакда ўтган сўнгги учрашувлар:
09.04.2016 «Машъал» - «Навбаҳор» 2:1
03.08.2015 «Машъал» - «Навбаҳор» 2:2
06.06.2014 «Машъал» - «Навбаҳор» 3:1
30.06.2012 «Машъал» - «Навбаҳор» 2:0
14.06.2011 «Машъал» - «Навбаҳор» 2:0
31.10.2010 «Машъал» - «Навбаҳор» 2:0
Ўзаро ўйинлар ҳақида факт: Бу жамоаларнинг Муборакда ўтган ўйинларида “Машъал” 10 бор зафар қучган. Тўрт бор ғолиб номи аниқланмаган.
“Навбаҳор” ҳисобида 2та ғалаба мавжуд. Сўнгги марта “Навбаҳор” Муборакдан 2004 йил ғалаба билан қайтган.
