Hamburgda o‘tkazilgan boks bo‘yicha Jahon chempionatida 69 kgacha bo‘lgan vazn toifasida muvaffaqiyatli ishtirok etib, oltin medal sohibiga aylangan hamyurtimiz Shaxram G‘iyosov AIBA talqini bo‘yicha mazkur turnirning eng yaxshi charm qo‘lqop ustasi deb topildi.
U tashkilotning “Twitter” ijtimoiy tarmog‘idagi rasmiy sahifasida o‘tkazgan so‘rovida muxlislarning 56% ovoziga ega bo‘ldi. Ukraina vakili Oleksandr Xijnyak 17% bilan 2-natija qayd etdi. Kubalik bokschi Xulio Sezar La Kruz esa 15% bilan kuchli uchlikka yakun yasadi. Final bahsida Fransiya sharafini himoya qilib, g‘alaba qozongan Sufyon Umiya esa 12% ovoz to‘plagan holda 4-o‘rinni egalladi.
Eslatib o‘tamiz, Shaxram G‘iyosov hal qiluvchi jangda Kuba vakili Roniyel Iglesias ustidan 5:0 hisobida g‘alaba qozongan edi.
