Ҳамбургда ўтказилган бокс бўйича Жаҳон чемпионатида 69 кгача бўлган вазн тоифасида муваффақиятли иштирок этиб, олтин медал соҳибига айланган ҳамюртимиз Шахрам Ғиёсов AIBA талқини бўйича мазкур турнирнинг энг яхши чарм қўлқоп устаси деб топилди.

У ташкилотнинг “Twitter” ижтимоий тармоғидаги расмий саҳифасида ўтказган сўровида мухлисларнинг 56% овозига эга бўлди. Украина вакили Олександр Хижняк 17% билан 2-натижа қайд этди. Кубалик боксчи Хулио Сезар Ла Круз эса 15% билан кучли учликка якун ясади. Финал баҳсида Франция шарафини ҳимоя қилиб, ғалаба қозонган Суфён Умия эса 12% овоз тўплаган ҳолда 4-ўринни эгаллади.

Эслатиб ўтамиз, Шахрам Ғиёсов ҳал қилувчи жангда Куба вакили Рониел Иглесиас устидан 5:0 ҳисобида ғалаба қозонган эди.