Shu yilning 16–26 sentyabr kunlari Turkmaniston poytaxti Ashxobod shahrida yopiq inshootlardagi Osiyo o‘yinlari bo‘lib o‘tadi.

Hisob bo‘yicha beshinchi Osiyo o‘yinlarida 21 sport turi bo‘yicha 65 mamlakatdan jami 6000 nafarga yaqin sportchi ishtirok etadi. Osiyo o‘yinlarining futzal bellashuvlarida Bahodir Ahmedov bosh murabbiyligidagi O‘zbekiston terma jamoasi ham qatnashadi.

Osiyo Futbol Konfederasiyasi “Ashxobod–2017” Osiyo o‘yinlarining futzal musobaqalarida ishlash uchun ikki nafar o‘zbekistonlik mutaxassisni taklif qildi. O‘FF texnik bo‘limi boshlig‘i, FIFA va OFK komissari Olim Arifov futzal o‘yinlarida komissarlik vazifasini bajaradi.

Olim Arifov FIFA va OFK bayrog‘i ostida o‘tgan 83 uchrashuvda komissar sifatida ishlagan. “Ashxobod–2017” Osiyo o‘yinlarida ushbu ko‘rsatkich 100 ta uchrashuvga yetadi.

Shuningdek, O‘zbekiston Futbol Assosiasiyasining yetakchi mutaxassis Jahongir Rahmatullayev esa “Ashxobod–2017” Osiyo o‘yinlarining futzal musobaqalarida bosh koordinator yordamchisi sifatida ishlaydi.