Kecha O‘zbekiston terma jamoasi bosh murabbiyi Samvel Babayan yomon natijalari va jamoaga yuklatilgan vazifani uddalay olmagani sababli iste’foga chiqarildi.
Bu voqea muxlislar tomonidan uzoq vaqtdan beri kutilayotgani ham bor gap. Mazkur holat munosabati bilan bugun Toshkent shahar Saylgoh ko‘chasida ko‘p sonli oshpazlar tomonidan 8 tonnaga yaqin osh tayyorlanib, xalqqa tarqatildi.
O‘ylaymizki, buni shunchaki hazil tariqasida qabul qilasiz. Aslida, Toshkent markazi 8 sentyabr kuni «O‘zbegim» milliy qadriyatlar festivaliga mezbonlik qildi.
Festival doirasida turli tadbirlarning o‘tkazilishi rejalashtirilgan. Eng asosiy tadbir — 8 tonnalik palovning tayyorlanishidir. Bu bilan o‘zbekistonlik oshpazlar Ginnes rekordlar kitobidan joy olishni niyat qilgan.
