Кеча Ўзбекистон терма жамоаси бош мураббийи Самвел Бабаян ёмон натижалари ва жамоага юклатилган вазифани уддалай олмагани сабабли истеъфога чиқарилди.
Бу воқеа мухлислар томонидан узоқ вақтдан бери кутилаётгани ҳам бор гап. Мазкур ҳолат муносабати билан бугун Тошкент шаҳар Сайлгоҳ кўчасида кўп сонли ошпазлар томонидан 8 тоннага яқин ош тайёрланиб, халққа тарқатилди.
Ўйлаймизки, буни шунчаки ҳазил тариқасида қабул қиласиз. Аслида, Тошкент маркази 8 сентябрь куни «Ўзбегим» миллий қадриятлар фестивалига мезбонлик қилди.
Фестиваль доирасида турли тадбирларнинг ўтказилиши режалаштирилган. Энг асосий тадбир — 8 тонналик паловнинг тайёрланишидир. Бу билан ўзбекистонлик ошпазлар Гиннес рекордлар китобидан жой олишни ният қилган.
