SPORT TV ning “Gol” ko‘rsatuvida Odil Ahmedov mehmon bo‘lib, Namangan futboli haqida ham to‘xtalib o‘tdi.
- Namanganda futbol o‘lib bo‘lgan, - deb gap boshladi Odil Ahmedov.
- Yaqinda viloyat hokimi bilan gaplashgan holda Namangan futbolini ko‘tarish uchun o‘zim uchun foydasiz bo‘lgan, o‘zim mablag‘ sarflaydigan 15 ta futbolchini kollejga tanlab berdim. Namanganda sport sohasida ishlaydigan rahbarlar umuman sportga tushunmaydi. Ular 14 ta futbolchini qabul qilib, ikkita murabbiyga 7 tadan futbolchini bo‘lib mashg‘ulot o‘tkazishni tayinlangan. Tasavvur qiling, futbolda 7 kishi qanday natija berishi mumkin?
Xayrulla Hamidov: Hali bilishmaydiyam-a, futbolda nechta o‘yinchi maydonga tushishini...
- Buni kim hal qiladi bilmayman. TV orqali qancha jon kuydirib gapirsam ham Namanganda bunga e’tibor ham berishmayapti. Mana, Namangan futboli ancha ortda qolib ketayapti, bu ketishda bunday keyin ham ortda qolib ketaveradi.
Xayrulla Hamidov: Umuman Namangan futboli haqida gapiradigan bo‘lsa, bizning yoshligimiz vodiy futbolining gurkiragan paytiga to‘g‘ri keladi. O‘sha paytda bilardikki, “Navbahor” jamoasining o‘sishida xomiylarning hissasi kattaroq bo‘lgan. Oldinlari To‘raqo‘rg‘onda juda ko‘p futbolchilar yetishib chiqqandi. Ulardan bitta jamoa ham tuzsa bo‘lardi. Hozirgi kunga kelib namanganlik iqtidorlarni yetishib chiqmayotganligiga nima sabab bo‘lmoqda?
- Namanganda iqtidorlar juda ham ko‘p. Bunga sabab sifatida yuqorida ta’kidlab o‘tganimdek, sport sohasida faoliyat ko‘rsatadiganlar o‘z sohasini ozroq tushunganda ham hozir bunchalik bo‘lmasdi.
