Oliy ligadan o‘rin olgan "Nasaf" - "Olmaliq" (1:0) o‘yinidan so‘ng, mehmonlar ustozi Viktor Kumikov o‘z fikrlarini aytdi.

"Uchrashuvda gol ura olmasang, hatto durangga erishish ham og‘ir. Bugungi uchrashuvda gol urish uchun vaziyatlar yarata olgan bo‘lsakda, ammo buni uddasidan chiqa olmadik. Bugun himoyada bitta qupol xatoga yo‘l qo‘ydik va darvozamizdan to‘p olib chiqdik. Bu xato bizga qimmatga tushdi. Umuman olganda bugun o‘yinimiz ko‘ngildagidek chiqmadi. Albatta bunga tarkibimizdagi yo‘qotishlar ham o‘z ta’sirini o‘tkazayapti. Lekin bugun yutqazmasligimiz kerak edi. Safardagi o‘yinlarda qulay imkoniyatlar ko‘p ham bo‘lavermadi. Yaratilgan imkoniyatlardan foydalana bilish kerak. “Nasaf” yaxshi shakllangan jamoa. Bu jamoa bilan safarda o‘ynash juda og‘ir. Klubda ajoyib sharoitlar mavjud. Masalan o‘z futbol maktabiga va tarbiyalanuvchilariga ega. Faqat, ikki nafar yaxshi va tajribali o‘yinchini o‘z safiga qo‘shib olsa, bu jamoa yanada kuchayib ketgan bo‘lardi" - dedi Kumikov.