«Chelsi» yarim himoyachisi Eden Azar fikricha, londonliklar Yevropa chempionlar ligasida g‘olib chiqishga tayyor.
«Men Angliya va Fransiya chempionatlarida g‘olib chiqqanman. Buyuk o‘yinchilar esa Chempionlar ligasida g‘olib chiqishni istashadi. O‘ylaymanki, «Chelsi»ning ushbu musobaqada g‘olib chiqish payti keldi. Jamoamiz yaxshi, bizda yaxshi murabbiy ishlamoqda — g‘olib chiqishga tayyormiz.
Ushbu mavsumda boshqacha bo‘ladi — seshanba va chorshanba kunlari o‘yin o‘tkazishga to‘g‘ri keladi. Ammo safimiz yaxshi futbolchilar ko‘p. Biz professionallarmiz, bunday holat bizga yaxshi tanish. Bundan tashqari, murabbiyimiz katta tajribaga ega, jumladan, Chempionlar ligasida ham.
Biz o‘ynashni istaymiz. Kmidir charchoq his qilsa, uning o‘rnini boshqa futbolchi egallaydi. Bu borada muammo yuzaga kelmaydi», – dedi Azar.
Eslatib o‘tamiz, «Chelsi» o‘z tarixida Chempionlar ligasini bir marta – 2012 yilda qo‘lga kiritgan.