«Челси» ярим ҳимоячиси Эден Азар фикрича, лондонликлар Европа чемпионлар лигасида ғолиб чиқишга тайёр.
«Мен Англия ва Франция чемпионатларида ғолиб чиққанман. Буюк ўйинчилар эса Чемпионлар лигасида ғолиб чиқишни исташади. Ўйлайманки, «Челси»нинг ушбу мусобақада ғолиб чиқиш пайти келди. Жамоамиз яхши, бизда яхши мураббий ишламоқда — ғолиб чиқишга тайёрмиз.
Ушбу мавсумда бошқача бўлади — сешанба ва чоршанба кунлари ўйин ўтказишга тўғри келади. Аммо сафимиз яхши футболчилар кўп. Биз профессионаллармиз, бундай ҳолат бизга яхши таниш. Бундан ташқари, мураббийимиз катта тажрибага эга, жумладан, Чемпионлар лигасида ҳам.
Биз ўйнашни истаймиз. Кмидир чарчоқ ҳис қилса, унинг ўрнини бошқа футболчи эгаллайди. Бу борада муаммо юзага келмайди», – деди Азар.
Эслатиб ўтамиз, «Челси» ўз тарихида Чемпионлар лигасини бир марта – 2012 йилда қўлга киритган.