O‘zbekiston futbol federasiyasi prezidenti lavozimidan ketayotgan Mirabror Usmonov o‘z fikrlarini bildirib o‘tdi.

"Futbolda qilingan yaxshi ishlar, yutuqlar haqida ko‘p gapirildi. Ammo kamchiliklar haqida gapirilmadi. 12 yil davomida respublika rahbariyati menga ishonch bildirib keldi. Ko‘p stadionlar qurildi, klublarning moddiy-texnika bazasi yaxshilandi. Bularning barchasi davlatimiz rahbariyatining madadi yordamida amalga oshirildi.

Natijalar, sovrinlar o‘z yo‘liga. Ammo biz o‘zimizdan sog‘lom avlod qoldirish bo‘yicha ko‘p ishlar qildik. Eng muhimi shu.

Federasiya yangi rahbariyatiga shuni aytmoqchimanki, tanqiddan qo‘rqmang. Ishlamagan odamnigina tanqid qilmasliklari mumkin. Jurnalistlarga rahmat. Bizga juda ko‘p takliflar berib turishdi. Ularning takliflarini inobatga oldik, kamchiliklarimizni to‘g‘riladik. Shu bois, federasiya yangi rahbariyati jurnalistlar bilan hamkorlikda ish olib borsa adashmaydi.

Men armonda ketyapman. Jahon chempionatiga chiqsak yomon bo‘lmasdi. Umid qilaman, navbatdagi 4 yilda O‘zbekiston Mundialga chiqadi va JCHda yurtimizni uyaltirib qo‘ymaydi", — dedi Mirabror Usmonov.