«Manchester Yunayted» ustozi Joze Mourinyo navbatdagi turda muxlislarga jamoa tarkibida syurpriz va’da qildi.

«Everton» ga qarshi odatdagidek tayyorgarlik ko‘ryapmiz. Pogba maydonga tusha olmaydi, ammo bu boshqa futbolchilar uchun imkoniyat deya olaman. Shuningdek, bu safar ham tarkibda siz kutmagan futbolchi joy oladi», - dedi Mourinyo 5-tur oldidan o‘tkazilgan matbuot anjumanida.

«Bazel»ga qarshi kechgan YECHL uchrashuvida manchesterliklar tarkibida uzoq muddatli tanaffusdan so‘ng, Eshli Yang safga qaytgandi. Ko‘pchilik, ertangi o‘yinda Lyuk Shou asosiy tarkibda to‘p surishini taxmin qilmoqda. 

Har ikki futbolchi o‘tgan mavsum oxirida jarohat olib, uzoq muddatga safdan chiqishgandi.

Eslatib o‘tamiz, «Manchester Yunayted» ertaga, 17 sentyabr kuni o‘z maydonida «Everton»ni qabul qiladi. Uchrashuv Toshkent vaqti bilan 20:00 da boshlanadi.