“Manchester Yunayted” klubining sobiq futbolchisi Ruud Van Nistelroy hujumchi Romelu Lukakuning APLdagi omadli startini maqtadi.

"Romelu juda yaxshi o‘ynamoqda, u hozirga qadar bir necha gollar urib, o‘ziga sarflangan summani oqlamoqda.

Lukaku — haqiqiy "to‘qqizlik“. U faqat markaziy hujumchi bo‘lishi kerak. Meni ham hech kim qanotga qo‘ymagandi, unda ham shunday bo‘lmoqda.

"MYU"da Lukaku uchun qiyin vaziyatlar bo‘ladi, unga Mourinyo yordam beradi. Joze futboldagi barchasini ko‘ra oladi va Romeluning iqtidoridan to‘liq foydalanadi", deydi Van Nistelroy Sportsmole nashriga.

Eslatib o‘tamiz, Romelu Lukaku APLning 5-turidan keyin 5 ta gol urishga erishdi.