“Манчестер Юнайтед” клубининг собиқ футболчиси Рууд Ван Нистелрой ҳужумчи Ромелу Лукакунинг АПЛдаги омадли стартини мақтади.
"Ромелу жуда яхши ўйнамоқда, у ҳозирга қадар бир неча голлар уриб, ўзига сарфланган суммани оқламоқда.
Лукаку — ҳақиқий "тўққизлик“. У фақат марказий ҳужумчи бўлиши керак. Мени ҳам ҳеч ким қанотга қўймаганди, унда ҳам шундай бўлмоқда.
"МЮ"да Лукаку учун қийин вазиятлар бўлади, унга Моуриньо ёрдам беради. Жозе футболдаги барчасини кўра олади ва Ромелунинг иқтидоридан тўлиқ фойдаланади", дейди Ван Нистелрой Sportsmole нашрига.
Эслатиб ўтамиз, Ромелу Лукаку АПЛнинг 5-туридан кейин 5 та гол уришга эришди.
