Oliy Liga 22-turidan o‘rin olgan "Lokomotiv" - "Paxtakor" (0:1) o‘yinidan so‘ng, "temiryo‘lchilar" ustozi Andrey Miklyayev o‘z fikrlarini bildirdi.
"Juda tomoshabop va qiziqarli o‘yin guvohiga aylandik. Har ikkala jamoa ham shiddatli o‘yin ko‘rsatdi. Uchrashuv taqdirini yagona gol hal etishi ehtimoli katta edi va shunday bo‘ldi ham. Bugun "Loko" futbolchilari ham yaxshi o‘yin ko‘rsatishdi. Yigitlar borlarini berib maydonda harakat qilishdi. Biroq hal qiluvchi golni raqib jarima zarbasidan kiritib ketdi.
O‘yin borasida hech kimga e’tirozim yo‘q. Negadir bugun yakuniy zarbalar berishda dadil o‘ynay olmadik. Bikmayevning yo‘qligi bilindi. Murod Bobojonov yomon harakat qilmadi. Shuningdek, Olabiran Blessing ham qo‘lidan kelgancha o‘ynadi. Olabiran hali yosh. U hali ancha o‘sishga erisha oladi. Biz hozirda sekin-asta yosh o‘yinchilarimizni o‘ynatishga e’tibor qaratyapmiz. Misol uchun, bugun Aziz Amonov ham maydonga tushdi. Oxirgi 2 ta o‘yinda raqib darvozasini ishg‘ol eta olmadik. Bu borada hali yana ishlashimiz kerak ekan" - dedi Miklyayev.
