Turkmaniston poytaxti Ashxobod shahrida yopiq inshootlardagi Osiyo o‘yinlari davom etmoqda.
21 sentyabr sanasida sportchilarimiz tomonidan 3 ta oltin, 1 ta kumush va 2 ta bronza medali qo‘lga kiritildi. Shu tariqa O‘zbekiston terma jamoasi hisobidagi medallar 10 ta oltin, 17 ta kumush va 36 ta bronzaga yetdi. Bu ko‘rsatkich bilan delagasiyamiz umumiy jadvalda to‘rtinchi pog‘onani egallab turibdi. Tailandlik sportchilar kecha qo‘lga kiritilgan 8 ta oltin orqali bizni quvib o‘tishdi. Umumiy jadvalda mezbon-Turkmaniston terma jamoasi yetakchilik qilmoqda. Eron delegasiyasi ikkinchi pog‘onada.
