Farg‘onada bo‘lib o‘tgan “Neftchi” – “So‘g‘diyona” (1:1) bahsidan so‘ng mezbonlar ustozi Vadim Abramov o‘z fikrlarini bildirib o‘tdi.
"Afsuski, g‘alabaga loyiq o‘yin ko‘rsata olmadik. Bellashuvda yo‘l qo‘ygan xatolarimizdan Jizzax jamoasi unumli foydalandi va gol urishga erishdi. Birinchi taym yakunlaganidan so‘ng yigitlarga kerakli ko‘rsatmalarni berdim. Kamchiliklar haqida gapirdim. Ikkinchi bo‘limda o‘yinimiz o‘zgardi va jamoa ancha jonlandi. Kamchiliklar bor. Ular ustida ishlashda davom etamiz", – deb fikr bildirdi Vadim Karlenovich.
