“Manchester Yunayted” ustozi Joze Mourinyo jarohatidan qutulgan Lyuk Shouning nima sababdan bugun APL doirasida “Sautgempton”ga qarshi uchrashuvda maydonga tushmasligini aytib o‘tdi.
22 yoshli angliyalik himoyachi ushbu haftada Angliya liga kubogining “Byorton”ga (4:1) jamoasi bilan bahsda zaxiradan maydonga tushdi. So‘nggi marta u 30 aprel kuni maydonda ko‘rinish bergandi.
"U hali ishlashi kerak. Mana, bo‘ldi. Sizlar ko‘rayotgan narsani men ham ko‘ryapman. Siz uni bugun maydonga tushishini so‘rayapsizmi? Yo‘q, o‘ynamaydi. U hali o‘z o‘yinini kuchaytirishi kerak.
Eshitinglar, u bir necha oy maydonga tushmadi. Men undan chorshanba kuni maydonga tushib yoki 45 daqiqa o‘ynab eng yaxshi o‘yinchi bo‘lishini kutmayapman. U ancha vaqt davomida maydonga tushmadi", - deydi Mourinyo.
